Блог ректора КазНМУ имени С.Д.Асфендиярова

Вопрос ректору
От: Сабина Турдыбекова
Асфендияров атындағы оқу орнында хиджаб киюге болады ма?

Ответ:

Қымбатты Сабина!

Қазақстан Республикасының Ата заңына сәйкес Қазақстан Республикасының әрбір азаматы кез келген дінді таңдай алады. Сондықтан да университетте де хиджаб киюге шектеу жоқ. Бірақ, кәсіби көзқарастан алсақ, негізі ұсынылмайды. Мысалы, операция жасау керек, мәйіт денесін ашу керек, т.с.с. жағдайларда.

Вопрос ректору
От: Бота Оразбекова

Сәлеметсізбе Айкан мырза!!! Асфендияров оқу орнында студенттер өз қалаған киімін киеді ме және хиджаб киюге болама?жатақханасында қанша адам болып турады?Жуынатын бөлмесі әр бөлмеде барма?мен 116 балл жинадым,орыс тілсіз 98.Асфендияровқа осы баллмен тусе аламын ба?

Ответ:

Қымбатты Бота!

С.Ж.Асфендияров атындағы Қазақ ұлттық медицина университетінде студенттер өз қалаған киімін киеді. Қазақстан Республикасының Ата заңына сәйкес Қазақстан Республикасының әрбір азаматына өзінің дінін таңдауға еркіндік берілген. Сол себепті студенттерге хиджаб киюге де шектеу қойылмайды. Сонымен қатар, жатақханадағы мәселеге келсек, бір бөлмеде 4-5 студенттен тұрады. Өкінішке орай, жуынатын бөлме әр бөлмеде жоқ. Бір қабатта студенттерге арналған екі жуынатын бөлме бар. Дегенмен біз студенттердің жатақханадағы жағдайын жақсарту үшін жұмыс жасап жатырмыз. Болашақта осы келеңсіз мәселелер оң шешімін табады деген сенімдеміз.

Сіздің жинаған баллыңыз өте жақсы деп сенімді түрде айта аламын. Біздің университетке оқуға түсе алатын мүмкіндігіңіз туралы әзірге ештеңе айта алмаймыз. Себебі, қабылдау балдары әр жылы әртүрлі болады. Ол конкурстық негізде құжат тапсырған талапкерлердің балдарына байланысты анықталады.

Вопрос ректору

От: Ғабитжан Салық
Ассаламуғалейкум, Айқан Ақанұлы!

Мен биыл ҰБТ тапсырдым. Баллым – 118, орыс тілінсіз – 98. ЖОО-да гранқа түсу мүмкіндігі қандай? Қандай құжаттар тапсыру керек?

Мен Жалпы медицина факультетіне түскім келеді.

Жауап:

Құрметті Ғабитжан!

Біздің университеттегі қоғамдық денсаулық сақтау мамандығына грантқа түсу үшін қабылдану балдары әр жылы әртүрлі болады. Биылғы жылдың балдары былтырғы жылмен сәйкес келмеуі мүмкін. Сол себепті Сізге қазір нақты жауап бере алмаймыз. Құжаттар толық қабылданған соң, конкурстық байқаудан кейін ғана грантқа түсе алатын балдар белгілі болады. Қосымша ақпаратты біздің университет сайтынан қарауыңызға болады.

Вопрос ректору
От: Бекзат Нсанов
Ассалаумағалейкум! ҰБТ-дан 110 балл алдым. Орыс тілін есептемегенде 87 болады. Осы нәтижемен грантқа түсе аламын ба? Рахмет.

Ответ:

Құрметті Бекзат!

Біздің университетке грантқа түсетін балл әр жылы әртүрлі болады. Сондықтан дәл қазір алдын ала оны айту мүмкін емес. Сол себепті, Сіз өз құжаттарыңызды тапсырып болған соң ғана, конкурстық байқау негізінде ғана біле аласыз. Қосымша ақпаратты біздің сайттың «Абитуриент» бөлімінен алуға болады.

Вопрос ректору
От: Айболат Сейдилдаев
Саламатсыз ба, ректор мырза! Менің сұрағым: ақылы негізде хирург мамандығы бойынша оқу үшін жылына қанша теңге төлеу қажет?

Жауап:

Құрметті Айболат!

ҚазҰМУ-да ақылы білім алудың барлық шарттары мен төлемі туралы толық ақпаратты университет сайтының «Абитуриент» бөлімінен ала аласыздар.

Вопрос ректору
От: Мөлдір Тасқара

Сәлеметсіз бе, Айқан Ақанұлы! Мен осы университетке қатты түскім келеді. Сізге қояр сұрағым: мен осы жылы мектеп бітіріп, ҰБТ тапсырдым. Орыс тілі пәнсіз 88 балл алдым. Мен жалпы медицина факультетіне грантқа түсуге балым жете ме?

Жауап:

Құрметті Мөлдір!

Біздің университетке грантқа түсетін-түспейтініңізді қазір айта алмаймыз. Себебі, әр жылы түсу баллы әртүрлі болады. Бұл құжаттарын тапсырған барлық абитуриенттердің балдарына байланысты. Сол себепті, Сіз өз құжаттарыңызды тапсырып болған соң ғана, конкурстық байқау қорытындысынан ғана біле аласыз. Қосымша ақпаратты біздің сайттың «Абитуриент» бөлімінен қарауыңызға болады.

Вопрос ректору
От: Эльдар Нарзуллаев

Сәлеметсіз бе! Мен жалпы медицина факультетінің 1 курс 024-1 тобының студенті боламын. Сізге қойғым келген сұрағым: Біз жазғы емтихандарды №2 корпуста (стекляшка) тапсыруымыз керек болатын еді, ал бірақ жөндеу жұмыстарына байланысты корпус жабылады екен, біз емтихандарды қай жерде тапсырамыз, тест орталығы басқа жерге көшіріле ме деген сұрақтарға жауап берсеңіз. Алдын ала үлкен РАХМЕТ!!!

Жауап:

Құрметті Эльдар!

№2 оқу ғимаратында жөндеу жүргізілетіндіктен, сіздердің емтихандарыңыз бірнеше күнге жылжытылады. Қазір оқу бөлімі емтихан кестесін әзірлеп, өтетін орнын нақтылап жатыр.

Вопрос ректору
От: Бану Келерхан

Құрметті Университет ұжымы! Егер қысқаша сұрасам: Астана қаласының медициналық оқу орнының грант иегері 1-ші курстан соң Алматы қаласына Сіздерге ауыса ала ма? Ауыса алса, қандай талаптары бар? Рахмет.

Жауап:

Құрметті Бану!

Сіз бірінші курстан соң пәндер айырмашылығы 5 пәннен артық болмаған жағдайда, сол айырмашылықты тапсыру арқылы ҚазҰМУ-ға ауыса аласыз.